Беларусь і Эквадор абмяркоўваюць магчымасці развіцця прамысловай кааперацыі

      Беларусь і Эквадор абмяркоўваюць магчымасці развіцця прамысловай кааперацыі, заявіў намеснік міністра замежных спраў Беларусі Аляксандр Гур'янаў. Паводле яго слоў, магчымасці Эквадора могуць быць максімальна прымножаны дзякуючы актыўнаму міжнароднаму супрацоўніцтву, у тым ліку развіццю двухбаковых кантактаў з Беларуссю. Аляксандр Гур’янаў падкрэсліў, што аснова міждзяржаўных адносін была закладзена ў час візітаў Прэзідэнта Беларусі Аляксандра Лукашэнкі ў Кіта і візіту ў адказ эквадорскага лідара Рафаэля Карэа Дэльгада ў Мінск. Не так даўно адбылося другое пасяджэнне двухбаковай міжурадавай камісіі па эканамічным і навукова-тэхнічным супрацоўніцтве. Маюцца станоўчыя вынікі ў развіцці практычнага ўзаемадзеяння, - адзначыў Аляксандр Гур'янаў.