Крэдытныя рэсурсы Кітая для Беларусі камфортныя па тэрмінах і кошце.

        Пра гэта заявіў прэм’ер-міністр Андрэй Кабякоў на сустрэчы са старшынёй праўлення Дзяржаўнага банка развіцця Кітая Ху Хуай Банам. Зараз у стадыі выканання знаходзяцца чатыры крэдытныя пагадненні на суму больш як 800 млн долараў. Актыўнае супрацоўніцтва Беларусі з Дзяржаўным банкам развіцця Кітая пачалося ў 2009 годзе. Летась бакі прыступілі да выпрацоўкі новага механізму прыцягнення доўгатэрміновых фінансавых рэсурсаў, - нагадаў прэм’ер. Гаворка ідзе пра адкрыццё Дзяржаўным банкам развіцця Кітая 15-гадовых крэдытных ліній для Банка развіцця і Беларусбанка на агульную суму каля мільярда долараў.