У Гродне з'явіцца парк каменных скульптур.

        Такое рашэнне прынята па выніках пленэру разьбяроў па камені, які прайшоў пад Гродна ў жніўні. За час работы разьбяры стварылі з каменю кампазіцыі, якія вырашылі пакінуць у падарунак гораду. Сярод іх скульптуры "Стварэнне беларускай зямлі", "Дыялог стагоддзяў", "Воін-ліцвін" і інш. Новыя творы майстроў стануць асновай для стварэння ў Гродне асобнага культурнага аб'екта - парку каменных скульптур, месцам для яго размяшчэння выбраны парк каля Каложскай царквы.