Прэзідэнт Беларусі Аляксандр Лукашэнка на сустрэчы з міністрам замежных спраў Арменіі Эдвардам Налбандзянам прапанаваў абмеркаваць пытанні еўразійскай інтэграцыі і ўдзел у ёй Арменіі. Па словах беларускага лідара, зараз праходзяць мерапрыемствы, прапісаныя ў дарожнай карце (далучэння Арменіі да Мытнага саюза і АЭП.). Арменія вельмі актыўна працуе ў гэтым кірунку. Аляксандр Лукашэнка адзначыў, што літаральна праз некалькі дзён у Мінску адбудзецца сустрэча кіраўнікоў трох дзяржаў-членаў Мытнага саюза і АЭП.