Краіны АДКБ будуць каардынаваць свае падыходы ў сферы раззбраення. Неабходнасць гэтага была прызнана на кансультацыях прадстаўнікоў дзяржаў - членаў АДКБ аб узаемадзеянні па пытаннях раззбраення, нераспаўсюджвання і кантролю над узбраеннямі ў міжнародных арганізацыях, якія прайшлі ў Маскве пад старшынствам намесніка генеральнага сакратара АДКБ Генадзя Нявыгласа. Падчас  абмену думкамі па найважнейшых праблемах раззбраення былі абмеркаваныя пытанні каардынацыі і ўзаемадзеяння дзяржаў - членаў на адпаведных міжнародных форумах.    У кансультацыях прынялі ўдзел прадстаўнікі Беларусі, Арменіі, Казахстана, Кыргызстана, Расіі і Таджыкістана.