Беларускія і кубінскія ўрачы будуць разам змагацца з наступствамі цукровага дыябету. Прэпарат, распрацаваны кубінскімі спецыялістамі, ужо сёлета плануюць выкарыстоўваць у Беларусі. Аб гэтым паведаміў надзвычайны і паўнамоцны пасол Кубы ў нашай краіне на сустрэчы са старшынёй Савета Рэспублікі Анатолем Рубінавым. Таксама на сустрэчы ішла размова аб гандлёва-эканамічным супрацоўніцтве. У першую чаргу гэта датычыцца паставак на Кубу новых трактароў, тралейбусаў і грузавых аўтамабіляў. За апошнія пяць гадоў гандлёвы абарот паміж дзвюма краінамі вырас удвая.