Нацыянальны гістарычны архіў Беларусі ўпершыню апублікаваў дакументы аб Першай сусветнай вайне, перадае БЕЛТА.  

У кнізе "Беларусь у гады Першай сусветнай вайны. Дакументы" прадстаўлена больш за дзвесце дакументаў з фондавых калекцый Нацыянальнага гістарычнага архіва і Гродзенскага гістарычнага архіва. Кожны дакумент суправаджаецца археаграфічнымі характарыстыкамі: рэдакцыйнымі загалоўкамі, нататкамі, імянным і геаграфічным паказальнікамі. Аўтары стараліся расказаць, як жылі беларусы падчас акупацыі, што адбывалася ў тыле. На старонках кнігі прыведзены дакументы, якія раскрываюць праблему бежанства падчас Першай сусветнай вайны, расказваюць пра лёс аўстра-венгерскіх і нямецкіх ваеннапалонных.