Пытанні ўзаемадзеяння Беларусі і Казахстана ў СНД і АЭП разгледзяць ў Мінску падчас кансультацый паміж міністэрствамі замежных спраў дзвюх краін. Беларускі бок узначаліць першы намеснік міністра замежных спраў Аляксандр Міхневіч, казахстанскі – намеснік міністра замежных спраў Самат Ардабаеў.

Пад час кансультацый плануецца разгледзець шляхі інтэнсіфікацыі двухбаковых стасункаў у палітычнай і гандлёва-эканамічнай сферах, рэалізацыю дамоўленасцей, дасягнутых на вышэйшым і высокім узроўнях, а таксама пытанні ўзаемадзеяння дзяржаў у рамках міжнародных арганізацый.