Беларусь і Сербія прафінансуюць восем сумесных навукова-тэхнічных праектаў, якія прайшлі экспертызу ў адпаведнасці з парадкам, устаноўленым у кожнай з краін. Такое рашэнне прынята ў Мінску на 6-м пасяджэнні сумеснай камісіі па навукова-тэхнічным супрацоўніцтве. Сярод прыярытэтных накірункаў - сельская гаспадарка, энергетычныя тэхналогіі, фізіка-матэматычныя навукі, біятэхналогіі, хімічныя тэхналогіі, экалогія і ахова навакольнага асяроддзя.