Надзвычайны і Паўнамоцны Пасол Беларусі ў Эфіопіі Дзмітрый Куптель ўручыў даверчыя граматы старшыні Камісіі Афрыканскага саюза Нкасазане Дламіні-Зуме. Па завяршэнні цырымоніі адбылася гутарка пасла Беларусі са старшынёй Камісіі АС. Дзмітрый Куптель выказаў гатоўнасць беларускага боку развіваць узаемадзеянне з Афрыканскім саюзам у розных сферах. Нкасазане Дламіні-Зуме адзначыла зацікаўленасць АС у актывізацыі супрацоўніцтва з беларускай дзяржавай у сферы эканомікі, навукі і тэхналогій, адукацыі і сельскай гаспадаркі .