Працягваецца візіт Міністра замежных спраў Беларусі Уладзіміра Макея ў Прыбалтыку. Напярэдадні ён наведаў Рыгу, дзе сустрэўся з прэзідэнтам Латвіі і кіраўніком МЗС. Бакі абмеркавалі двухбаковыя адносіны ў розных сферах і адзначылі іх станоўчую дынаміку. Сёння Уладзімір Макей правядзе перамовы са сваім калегам з Літвы, а таксама іншымі афіцыйнымі асобамі і прадстаўнікамі дзелавых колаў. Асноўнай тэматыкай сустрэчы стануць двухбаковыя адносіны з акцэнтам на пашырэнне гандлёва-эканамічнага, інвестыцыйнага і транзітнага партнёрства.