Беларусы актыўна заняліся развядзеннем вінаграду. На рэгіянальнай выставе ў Гродне прадстаўлена больш за 150 гатункаў ягад. Іх смакавыя якасці вагаюцца ад традыцыйных да мускатных. Сярод удзельнікаў выставы ёсць прадстаўнікі Пінскага раёна, дзе вінаград вырошчваюць у прамысловых маштабах на 40 гектарах. У хуткім часе плантацыі павялічаць утрая. Гэта значыць, што ў Беларусі будзе свой вінаградны сок, разынкі і нават вінаградны алей. Упершыню сёлета атрымана віно з беларускага вінаграду.