Завяршаецца рэгістрацыя кандыдатаў у дэпутаты мясцовых Саветаў Беларусі. На 18 тыс. 816 дэпутацкіх мандатаў прэтэндуюць 22 тыс. 784 чалавекі, вылучаных палітычнымі партыямі, працоўнымі калектывамі, а таксама шляхам збору подпісаў выбаршчыкаў. З моманту рэгістрацыі кандыдатаў у дэпутаты ў краіне стартуе перадвыбарная агітацыя. Яна прадоўжыцца да 22 сакавіка ўключна. Датэрміновае галасаванне пройдзе з 18 па 22 сакавіка ўключна. Дзень выбараў назначаны на 23 сакавіка.