Беларусь і Чэхія ў 2013 годзе дасягнулі рэкордных паказчыкаў гандлёва-эканамічнага ўзаемадзеяння за ўсе гады супрацоўніцтва. Паведаміў Надзвычайны і Паўнамоцны Пасол Беларусі ў Чэхіі Васіль Марковіч. “У 2013 годзе былі зафіксаваны найлепшыя паказчыкі эканамічнага ўзаемадзеяння паміж Беларуссю і Чэхіяй у галіне тавараабароту, экспарту і імпарту, экспарту паслуг і прыцягненні чэшскіх інвестыцый”, - адзначыў дыпламат. Аб’ём двухбаковага гандлю за мінулы год склаў амаль $600 млн. і ў параўнанні да 2012 года павялічыўся на 3,5%, а ў адносінах да ўзроўню тавараабароту 2009 года ўзрос удвая.