"Інстытут "Гроднаграмадзянпраект" распрацоўвае праект жылога дома з выкарыстаннем энергіі сонца і зямлі.  У прыватнасці, на даху будуць працаваць сонечныя батарэі, таксама ў доме будуць усталяваны грунтавыя цеплавыя помпы, якія будуць пампаваць нагрэтую за кошт энергіі зямлі ваду. Будынак будзе практычна цалкам аўтаномным у плане спажывання цеплаэнергіі. 

Мяркуецца, што сёлета пачнецца яго ўзвядзенне. Распрацоўку часткова фінансуе праект ПРААН "Павышэнне энергетычнай эфектыўнасці жылых будынкаў у Рэспубліцы Беларусь " і Глабальны экалагічны фонд.