Мінск летась увайшоў у тройку самых наведвальных расіянамі гарадоў СНД, паведамляе расійскі сэрвіс анлайн-браніравання атэляў Oktogo.ru.

Акрамя сталіцы Беларусі ў тройку ўвайшлі Кіеў і Адэса. Далей у рэйтынгу наведвальнасці ідуць Кішынёў, Алматы, Баку, Львоў, Астана, Ерэван і Ташкент.  Найбольшай папулярнасцю карысталіся ў расійскіх турыстаў у Мінску такія славутасці, як Свята- Духаў кафедральны сабор на плошчы Свабоды, Нацыянальны акадэмічны тэатр імя Янкі Купалы, абеліск на плошчы Перамогі і Траецкае прадмесце.