Больш за 18,8 тыс. выбарчых акруг будзе ў Беларусі на выбарах дэпутатаў мясцовых Саветаў. Іх колькасць і сярэдняя колькасць выбаршчыкаў на акругу ўстанаўлiваюцца адпаведнымі мясцовымі Саветамі дэпутатаў. Ад кожнай акругі абіраецца адзін дэпутат. Згодна з каляндарным планам падрыхтоўкі і правядзення выбараў, завяршаецца вылучэнне прадстаўнікоў у склад акруговых выбарчых камісій. Прапаноўваць свае кандыдатуры могуць палітычныя партыі, грамадскія аб'яднанні, працоўныя калектывы, грамадзяне шляхам падачы заяў .