Яго спецыялісты зоймуцца распрацоўкай і адаптацыяй айчыннай сельгастэхнікі для ўкраінскіх кліматычных умоў. Беларусь па выніках года стала буйнейшым пастаўшчыком тэхнікі для ўкраінскіх аграрыяў. Краіны таксама распрацавалі «дарожную карту» па стварэнні сумесных вытворчасцей трактароў і камбайнаў. Як паведамілі ў пасольстве Беларусі ў Кіеве, важнымі напрамкамі супрацоўніцтва ў 2014 годзе, акрамя вытворчай кааперацыі, павінны стаць турызм і энергетыка. У прыватнасці, Украіна ўжо аказвае дапамогу ў падрыхтоўцы кадраў для беларускай АЭС. Па дамоўленасці, ў будучым годзе студэнты з Беларусі пройдуць навучанне ў Севастопальскім універсітэце ядзернай энергіі і прамысловасці.