Адносіны Беларусі і Сусветнай арганізацыі аховы здароўя развіваюцца вельмі дынамічна, адзначыў прэм'ер -міністр Беларусі Міхаіл Мясніковіч на сустрэчы з дырэктарам Еўрапейскага рэгіянальнага бюро Сусветнай арганізацыі аховы здароўя Жужанай Якаб.
        Міхаіл Мясніковіч выказаў удзячнасць за гранты , фінансавую падтрымку, якая ажыццяўляецца па лініі міжнародных арганізацый у галіне аховы здароўя. Кіраўнік беларускага ўрада запэўніў, што ўсе гэтыя сродкі краіна выкарыстоўвае эфектыўна.
        У сваю чаргу Жужана Якаб адзначыла высокія дасягненні Беларусі ў галіне аховы здароўя , у прыватнасці па зніжэнні мацярынскай , дзіцячай смяротнасці.