Гродзенская вобласць па выніках года плануе прыцягнуць $155 млн. прамых замежных інвестыцый. З пачатку года ў рэгіёне заключана 30 інвестдагавораў на агульную суму амаль Br1,5 трлн. Напрыклад, літоўскія інвестыцыі прыйшлі ў Лідскі раён, дзе кампанія Arvi стварае комплекс па вытворчасці мяса індычкі магутнасцю 7 тыс.т у год. Праект ацэньваецца ў 20 млн. еўра. Таксама дасягнута дамоўленасць па стварэнні ў Ваўкавыскім раёне вытворчасці выгнутых труб вялікага дыяметра для патрэб АЭС. Гэты праект будзе рэалізоўваць расійскі інвестар, папярэдняя ацэнка яго кошту - каля 120 млн. еўра. У Гродзенскай вобласці плануецца стварыць уласную рыбаперапрацоўчую вытворчасць. Да гэтай ідэі выказваюць цікавасць польскія бізнесмены.