Гасцей фестывалю чакаюць дэгустацыі, розныя конкурсы, канцэртная праграма. Таксама арганізатары падрыхтавалі майстар-класы знакамітых кухараў па беларускай кухні і кухні краін свету. Стравы для майстар-класаў пакуль трымаюцца ў сакрэце, аднак арганізатары абяцаюць здзівіць мінчан і гасцей сталіцы нязвыклым спалучэннем прадуктаў. Плануецца, што фестываль наведаюць кухары з Італіі, Украіны, Казахстана, Расіі і Прыбалтыкі.
     Акрамя таго, на фестывалі вызначыцца лепшы шэф-повар Беларусі. Акрамя звання "Залаты кіцель - 2013" ён атрымае сертыфікат на бясплатнае навучанне ў кулінарнай акадэміі Кіеўскай асацыяцыі шэф-павароў, а таксама зможа наведаць найбуйнейшую сусветную выставу гасцінічнага бізнесу Host 2013 у Мілане.