Яе мэта - паказаць унікальныя калекцыі абласных і раённых музеяў. У тым ліку прадстаўлены экспанаты са збору Брэсцкага абласнога краязнаўчага музея, дакладней, з яго філіяла - музея «Выратаваныя мастацкія каштоўнасці». Гэта адзіны ў Беларусі і на тэрыторыі СНД музей, у якім сабраны творы мастацтва і прадметы антыкварыяту, канфіскаваныя пры спробе незаконна вывезці іх за мяжу. Сярод экспанатаў -  старадаўнія візантыйскія манеты, кінжалы майстроў Паўночнага Каўказа, медны посуд з Сярэдняй Азіі і калекцыя абразоў ХVІІІ - ХХ стагоддзяў.