У індустрыяльным парку – адразу два новых рэзідэнты. Адзін з іх будзе займацца распрацоўкай і серыйнай вытворчасцю высокатэхналагічных прылад апрацоўкі і захоўвання дадзеных. Плануецца выпускаць серверы, маніторы, прынтэры і цэлыя комплексы. Рэалізацыя праекта таксама ўключае аказанне паслуг па засваенні вырабленага абсталявання. Другая кампанія будзе праводзіць навуковыя даследаванні ў галіне развіцця штучнага інтэлекту. Спецыялізацыя – беспілотныя тэхналогіі кіравання. Падчас рэалізацыі праекта плануецца супрацоўніцтва з Нацыянальнай акадэміяй навук і БДУ.