Беларускую вакцыну супраць COVID-19 ствараюць лепшыя спецыялісты

Фота: belta.by


Да стварэння беларускай вакцыны супраць COVID-19 прыцягнуты лепшыя спецыялісты сістэмы Міністэрства аховы здароўя, заявіў журналістам дырэктар РНПЦ эпідэміялогіі і мікрабіялогіі, кандыдат медыцынскіх навук, дацэнт Уладзімір Гарбуноў, перадае карэспандэнт БЕЛТА.

"З мэтай стварэння айчыннай вакцыны падрыхтавана спецыяльнае распараджэнне кіраўніка дзяржавы. Міністэрства аховы здароўя ўдзяляе гэтай рабоце асаблівую ўвагу, прыцягнуты вядучыя спецыялісты сістэмы міністэрства, у першую чаргу супрацоўнікі РНПЦ эпідэміялогіі і мікрабіялогіі, БДМУ, Гомельскага медуніверсітэта, шэрага іншых арганізацый. Удзельнічаюць у рабоце і ўстановы Нацыянальнай акадэміі навук, перш за ўсё Інстытут біяфізікі і клетачнай інжынерыі, які будзе выконваць асобныя этапы распрацоўкі айчыннага прэпарату", - сказаў Уладзімір Гарбуноў.

Паводле яго слоў, айчынная вакцына - гэта не толькі ўласна вакцына. "Гэта біябяспека нашай краіны, гэта набыццё намі тэхналогій і кампетэнцый у галіне распрацоўкі, стварэння і ўводу ў вытворчасць імунабіялагічных лекавых сродкаў", - адзначыў дырэктар цэнтра.

Разам з тым ён нагадаў, што вакцыны ў Беларусі ўжо вырабляліся ў 60-я гады мінулага стагоддзя. "Мы спадзяёмся ў выніку гэтага глабальнага праекта, які ўзяло на сябе Міністэрства аховы здароўя, адрадзіць нашы тэхналогіі і кампетэнцыі, што дасць магчымасць у будучым сустракаць біялагічныя пагрозы больш падрыхтаванымі", - сказаў ён на заканчэнне.

تم إعداد قضية المعلومات على أساس المواد الراديو البيلاروسية الخاصة، وكالة المعلومات بيلتا ومصادر أخرى.

المقابلات والبرامج

" بيلاروس بين يديك !"
" بيلاروس بين يديك !"
" بيلاروس بين يديك !"
" بيلاروس بين يديك !"
" بيلاروس بين يديك !"
" بيلاروس بين يديك !"
" بيلاروس بين يديك !"

 
البث عبر الإنترنت
الآن في البرنامج:

وعلاوة على ذلك في البرنامج:


جدول البث عبر الإنترنت
جدول البث الساتلي (هنا توصيات بشأن القبول)