Міністэрства замежных спраў Беларусі заяўляе аб негатоўнасці Літвы канструктыўна ўзаемадзейнічаць па выкананні палажэнняў Канвенцыі аб ацэнцы ўздзеяння на навакольнае асяроддзе ў трансгранічным кантэксце, - заявіў прэс-сакратар МЗС Андрэй Савіных. Беларускі бок прыкладае ўсе намаганні для таго, каб працэс падрыхтоўкі да будаўніцтва АЭС цалкам адпавядаў міжнародным патрабаванням. Літве прадастаўлены вычарпальныя адказы на зададзеныя пытанні. У адрас літоўскага боку накіравана дэталёвая справаздача па трансгранічнай ацэнцы ўздзеяння на навакольнае асяроддзе. Тым не менш, гэтая інфармацыя не дайшла да літоўскай грамадскасці, - адзначыў Андрэй Савіных. Беларусь пяць разоў накіроўвала літоўскаму боку прапановы аб правядзенні грамадскіх кансультацый. Усе яны застаюцца без адказу. Беларусь заклікае літоўскі бок вярнуцца да канструктыўнага ўзаемадзеяння па выкананні патрабаванняў міжнароднай канвенцыі ў духу добрасуседства і паразумення, - рэзюмаваў афіцыйны прадстаўнік МЗС Беларусі.