Абмяркуюць пераадоленне гандлёвых бар'ераў, якія ўзніклі ў новых эканамічных рэаліях. Так, сёлета за студзень-чэрвень экспарт Туркменістана ў Беларусь скараціўся на амаль 11% у параўнанні з леташнім аналагічным перыядам. Імпарт беларускіх тавараў у Туркменістан знізіўся больш як на 15%. Ключавы фактар зніжэння тавараабароту - пандэмія каранавіруса. Абмеркаванне і пошук спосабаў пераадолення гандлёвых бар'ераў дапаможа краінам аднавіць рост гандлёва-эканамічнага супрацоўніцтва. Арганізатары перамоў - гандлёва-прамысловыя палаты Туркменістана і Беларусі. У сустрэчы прымуць удзел кіраўнікі дыпведамстваў абедзвюх краін, прадстаўнікі розных міністэрстваў і ведамстваў, эксперты-эканамісты і прадпрымальнікі.