Прэзідэнт Баліварыянскай Рэспублікі Венесуэла Нікалас Мадура Морас наведвае з афіцыйным візітам Беларусь. У праграме візіту - афіцыйныя перамовы з кіраўніком беларускай дзяржавы Аляксандрам Лукашэнкам. Паразуменне і высокі ўзровень даверу паміж дзвюма краінамі абумоўлены супадзеннем падыходаў па ключавых міжнародных праблем, адзінствам поглядаў Мінска і Каракаса на будучыню шматпалярнага свету. Актыўнае ўзаемадзеянне на міжнароднай арэне і палітычнае партнёрства дазваляюць энергічна нарошчваць аб'ёмы і пашыраць фармат гандлёва-эканамічнага супрацоўніцтва паміж Беларуссю і Венесуэлай. Тавараабарот паміж нашымі краінамі ў 2012 годзе склаў больш за $580 млн.