Еўрапейская архітэктура не будзе поўнай без узаемадзеяння Савета Еўропы і Беларусі. Пра гэта заявіў на пасяджэнні камісіі савета па палітычных пытаннях і дэмакратыі, старшыня Парламенцкай асамблеі Савета Еўропы Жан-Клод Міньён.

Па яго словах у перспектыве будзе весціся гаворка аб статусе Беларусі як спецыяльна запрошанага ў арганізацыі або паўнавартаснага члена Савета Еўропы. Жан-Клод Міньён выказаў пажаданне каб бакі  хутчэй аднавілі канструктыўны дыялог, бо гэта ў інтарэсах як Беларусі, так і ПАСЕ.