XV Сусветны кангрэс рускай прэсы прайшоў у Беларусі на мінулым тыдні. Прадстаўнічы форум, на якім абмяркоўваюцца пытанні развіцця рускамоўнай інфармацыйнай медыяпрасторы, аб'яднаў больш за 200 прадстаўнікоў СМІ з 60 краін.Дарэчы, сімвалічна, што свой юбілей міжнародны форум адзначыў менавіта ў нас. Яго ключавое слова "адзінства", а менавіта зараз на постсавецкай прасторы актыўна ідуць інтэграцыйныя працэсы, і Мінск адзін з галоўных рухавікоў саюзных тэндэнцый.  Журналіст, які прэтэндуе на аб’ектыўнасць і прафесіяналізм, павінен добра разбірацца ў інтэграцыйнай тэматыцы. Такое меркаванне выказаў дзяржсакратар Саюзнай дзяржавы Беларусі і Расіі Грыгорый Рапота.