Беларусь, Казахстан і Расія гатовыя бачыць Украіну ўдзельніцай АЭП, заявіў Прэзідэнт Беларусі Аляксандр Лукашэнка на сустрэчы са сваім украінскім калегам Віктарам Януковічам. На думку Аляксандра Лукашэнкі, гэта будзе магутнае аб'яднанне,  з ім будзе лічыцца ўвесь свет. 

Таксама Аляксандр Лукашэнка адзначыў, што Беларусь разлічвае на дапамогу Украіны ў падрыхтоўцы спецыялістаў па атамнай энергетыцы.

Па яго словах адпаведныя перамовы вядуцца на ўзроўні экспертаў. Ва Украіны  назапашаны каласальны вопыт эксплуатацыі атамных станцый, а самае галоўнае - ёсць спецыялісты.