У Мінску пачаўся другі этап сумеснай штабной трэніроўкі органаў ваеннага кіравання ўзброеных сіл Беларусі і Расіі на тэму "Падрыхтоўка і прымяненне груповак войскаў (сіл) у інтарэсах забеспячэння ваеннай бяспекі Саюзнай дзяржавы". 
          На працягу трох дзён прадстаўнікі ваенных ведамстваў дзвюх дзяржаў будуць адпрацоўваць пытанні сумеснага планавання прымянення. У Мінабароны Беларусі падкрэслілі, што правядзенне на тэрыторыі нашай краіны стратэгічнага вучэння ўзброеных сіл Беларусі і Расіі не з'яўляецца пагрозай іншым дзяржавам, будзе садзейнічаць умацаванню агульнай сістэмы ваеннай бяспекі і павышэнню магчымасцей па абароне Саюзнай дзяржавы.