Комплексны падыход у пашырэнні міжрэгіянальнага супрацоўніцтва Беларусі і Турцыі дасць магчымасць выйсці на якасна новы ўзровень ўсебаковага беларуска-турэцкага ўзаемадзеяння. Такое меркаванне выказаў генеральны консул Беларусі ў Стамбуле Ігар Белы. На яго думку, развіццё сувязей на рэгіянальным узроўні адыгрывае важную ролю ў двухбаковых адносінах паміж дзяржавамі. Пабрацімскія сувязі дазваляюць у першую чаргу жыхарам рэгіёнаў дзвюх краін знаёміцца з культурнымі традыцыямі адзін аднаго, дзяліцца дасягненнямі ў сферы навукі, адукацыі і проста развіваць адносіны ў галінах, якія ўяўляюць узаемны інтарэс.