Беларусь прыме ўдзел у конкурсе маладых танцораў "Еўрабачанне-2013", які пройдзе ў чэрвені ў польскім Гданьску. Нашу краіну на фестывалі прадставіць 18-гадовая Яна Штангей, навучэнка трэцяга курса Беларускага харэаграфічнага каледжа. Усяго за перамогу на сцэне Балтыйскай дзяржаўнай оперы будуць змагацца прадстаўнікі дзесяці краін. У іх ліку Арменія, Швецыя, Германія, Славенія, Нарвегія, Украіна, Польшча і інш.