Намеснік старшыні Савета па ўзаемадзеянні органаў мясцовага самакіравання пры Савеце Рэспублікі Нацыянальнага схода Беларусі Святлана Герасімовіч удзельнічае ў 24-й сесіі Кангрэса мясцовых і рэгіянальных улад Савета Еўропы ў Страсбургу. У парадку дня сесіі - пытанні прадухілення карупцыі ў органах мясцовага самакіравання, развіццё мясцовай і рэгіянальнай дэмакратыі ў Венгрыі, Грузіі, Іспаніі, Італіі. Акрамя таго, удзельнікі Кангрэса заслухаюць справаздачы па выніках назірання за выбарамі ў мясцовыя органы ўлады Босніі і Герцагавіны, разгледзяць шэраг арганізацыйных пытанняў.