Беларускі стэнд на Міжнароднай аграпрамысловай выставе Sima-2013 у Парыжы карыстаецца асаблівай папулярнасцю ў наведвальнікаў. Пра гэта сведчыць і той факт, што літаральна з пачатку адкрыцця салона 4 пакупнікі выказалі гатоўнасць набыць трактары "Беларус". І гэта з улікам таго, што самай найноўшай замежнай тэхнікі на форуме прадстаўлена вельмі шмат. Пакупнік сур'ёзна глядзіць на суадносіны кошт-якасць і ўзважвае, наколькі мэтазгодна купляць тую ці іншую тэхніку. Паводле ацэнкі экспертаў, у беларусаў ёсць усе шанцы прыйсці на еўрапейскі рынак са сваёй тэхнікай. І экспазіцыя пацвярджае гэты інтарэс.