Турэцкі бізнес зацікаўлены ў супрацоўніцтве з Беларуссю ў галіне вытворчасці аўтакампанентаў. Пра гэта ішла гаворка ў Мінску на сустрэчы старшыні Беларускай гандлёва-прамысловай палаты Міхаіла Мятлікава з прадстаўнікамі турэцка-беларускага дзелавога Савета. Бакі абмеркавалі пытанні пашырэння сферы двухбаковага ўзаемадзеяння. У прыватнасці, беларускі бок запрасіў прадстаўнікоў турэцкага бізнесу прыняць удзел у рэалізацыі праекта па будаўніцтве ў Мінску Цэнтра міжнароднага гандлю, які будзе ўключаць у сябе буйны выставачны комплекс, гасцініцу і бізнес-цэнтр.