Адным з прыярытэтаў для Мінска павінна стаць стварэнне інавацыйных прадпрыемстваў і вытворчасцей, здольных забяспечыць новы выгляд эканомікі горада. Пра гэта на пасяджэнні ў Мінгарвыканкаме заявіў прэм'ер-міністр Беларусі Міхаіл Мясніковіч. Кіраўнік урада нагадаў, што рэгіянальная палітыка - гэта, найперш, развіццё тэрыторый, арыентаванае на новыя віды дзейнасці, стварэнне вытворчасцей высокіх тэхналагічных укладаў. У Мінска для гэтага ёсць усё неабходнае - кваліфікаваная рабочая сіла, высокі інтэлектуальны патэнцыял, інфраструктура фондавага рынку, капіталу.  Прэм'ер-міністр спыніўся на пытаннях структуры інвестыцый Мінска. Па словах прэм’ера, трэба развіваць рэальны сектар, матэрыяльную вытворчасць. Прыярытэт неабходна аддаваць тым кампаніям, якія працуюць на новую эканоміку