Беларусь зацікаўлена ўдзельнічаць у праектах па развіцці транспартнай інфраструктуры Чарнаморскага рэгіёну. Пра гэта заявіў генеральны консул Беларусі ў Стамбуле Ігар Белы, які прыняў удзел у пасяджэнні паўнамоцных прадстаўнікоў Арганізацыі чарнаморскага эканамічнага супрацоўніцтва. Удзельнікі сустрэчы абмеркавалі пытанні стварэння зоны свабоднага гандлю паміж дзяржавамі - членамі арганізацыі, пашырэння дыялогу з Еўрапейскім саюзам, а таксама развіцця транспартнай інфраструктуры.