Беларусь, Расія і Казахстан дынамічна і эфектыўна рухаюцца па шляху паглыблення інтэграцыі. Гэта адзначыў начальнік упраўлення інфармацыі - прэс-сакратар МЗС Беларусі Андрэй Савіных. Ён акцэнтаваў увагу на тым, што летась адбыўся паўнавартасны запуск наднацыянальнага органа ў галіне эканамічнай інтэграцыі Беларусі, Расіі і Казахстана - Еўразійскай эканамічнай камісіі. Упершыню за апошнія два дзесяцігоддзі важныя рашэнні па многіх аспектах умоў эканамічнага развіцця трох краін прымаюцца за межамі нацыянальнай юрысдыкцыі.