Беларусь летась істотна павялічыла аб'ёмы экспарту ў краіны Афрыкі і Блізкага Ўсходу. Так, па словах  начальніка упраўлення інфармацыі Міністэрства замежных спраў Беларусі Андрэя Савіных, наш экспарт у Егіпет павялічыўся ў 1,5 разы, у Судан - у 2,5 разы. Пашыраюцца рамкі прамысловай кааперацыі з шэрагам ключавых афрыканскіх краін. Так, у Егіпце створаны і дзейнічаюць тры зборачныя вытворчасці трактароў МТЗ і адно – аўтамабілей МАЗ. Немалаважны і той факт, што пашыраецца дылерская сетка беларускіх таваравытворцаў на афрыканскім кантыненце.