Правядзенне Года беражлівасці ў Беларусі дапаможа паскорыць працэс мадэрнізацыі прадпрыемстваў, будзе садзейнічаць павышэнню заработнай платы. Такое меркаванне выказаў старшыня Магілёўскага аблвыканкама Пётр Руднік. Сёлета адной з найважнейшых задач абласной выканаўчай улады стане работа па прыцягненні інвестыцый у рэгіён і стварэнні ў кожным раёне не менш як 10 мікрапрадпрыемстваў. Рост здаровай канкурэнцыі на месцах таксама будзе служыць таму, каб адносіцца беражліва да існуючых рэсурсаў, працаваць над зніжэннем сабекошту і павышэннем канкурэнтаздольнасці выпускаемай прадукцыі.