Саміты лідараў краін - удзельніц АДКБ, ЕўрАзЭС і Мытнага саюза пройдуць 19 снежня ў Маскве. У ходзе сесіі Савета калектыўнай бяспекі АДКБ бакі абмяркуюць актуальныя міжнародныя і рэгіянальныя праблемы, у тым ліку сітуацыю ў Афганістане. У цэнтры ўвагі саміту ЕўрАзЭС будуць знаходзіцца пытанні далейшай рэарганізацыі аб'яднання і адаптацыі яго дзейнасці да новых умоў інтэграцыі ў рамках Мытнага саюза і Адзінай эканамічнай прасторы Беларусі, Расіі, і Казахстана. У рамках пасяджэння Вышэйшага Еўразійскага эканамічнага савета прэзідэнты трох краін абмяркуюць пытанні развіцця і паглыблення інтэграцыйнага ўзаемадзеяння, накіраванага на фарміраванне да пачатку 2015-ага  Еўразійскага эканамічнага саюза.