Геаграфія беларускага бізнесу пашыраецца. Інвестыцыі і прамысловая кааперацыя з В'етнамам павінны ў будучыні прынесці дзясяткі ці нават сотні мільёнаў долараў. Першы маштабны праект - Мінскі трактарны завод і в'етнамская машынабудаўнічая кампанія аналізуюць магчымасці стварэння ў В'етнаме сумеснага цэнтра па вытворчасці і продажы трактароў. Перспектывы і ўмовы праекта абмяркоўваліся на сустрэчы Прэм'ер-міністра Міхаіла Мясніковіча і гендырэктара кампаніі Чан Мінь Чы. Плануецца, што новы цэнтр будзе рэалізоўваць трактары не толькі ў В'етнаме, але і ў Камбоджы, М'янме і іншых краінах Паўднёва-Ўсходняй Азіі.