На сустрэчы намесніка міністра замежных спраў Беларусі Валянціна Рыбакова і пасла Швецыі ў Беларусі Марціна Оберга сярод актуальных задач названа дасягненне Мэт устойлівага развіцця, міжнароднае тэхнічнае супрацоўніцтва, ажыццяўленне Парыжскага кліматычнага пагаднення, міжнароднае чарнобыльскае супрацоўніцтва, барацьба з гандлем людзьмі, забеспячэнне міжнароднай бяспекі, процідзеянне тэрарызму.
Дыпламаты пагадзіліся, што цеснае супрацоўніцтва па пытаннях шматбаковага парадку дня магло б унесці значны ўклад ва ўмацаванне двухбаковых адносін паміж Беларуссю і Швецыяй.