Чарговы раўнд беларуска-швейцарскіх кансультацый паміж міністэрствамі замежных спраў на ўзроўні кіраўнікоў палітычных дэпартаментаў знешнепалітычных ведамстваў дзвюх краін адбыўся ў Мінску. Абмеркаваны стан і перспектывы дыялога і ўзаемадзеяння ў гандлёва-эканамічнай і інвестыцыйнай сферах, а таксама іншыя аспекты беларуска-швейцарскага супрацоўніцтва. Адбыўся абмен меркаваннямі адносна падыходаў і магчымасцей узаемадзеяння ў рамках універсальных міжнародных арганізацый і агульнаеўрапейскіх структур, з улікам старшынства ў 2014 годзе Швейцарыі ў АБСЕ.