Беларусь і Масква могуць пашырыць узаемадзеянне за кошт навукова-тэхнічнага супрацоўніцтва, развіцця высокіх тэхналогій. Пра гэта заявіў першы віцэ-прэм'ер Уладзімір Сямашка на сустрэчы з міністрам урада Масквы Сяргеем Чарэміным. Масква для Беларусі - асноўны партнёр ва ўсіх адносінах, сярод рэгіёнаў гэта эканамічны партнёр нумар адзін, упэўнены Уладзімір Сямашка. Акрамя таго, для Беларусі Масква - актыўны спажывец прадуктаў харчавання, асабліва малочных і мясных. Таксама ў расійскую сталіцу пастаўляецца беларуская аўтамабільная тэхніка, у тым ліку грузавыя аўтамабілі, камунальныя, трактары, тралейбусы.