Больш 200 найноўшых распрацовак прадставіць Нацыянальная акадэмія навук Беларусі ў Мінску на Міжнароднай прамысловай выставе Expo-Russia Belarus. Навукоўцы прадэманструюць інавацыі ў сферы энергетыкі, машынабудавання, транспарту, сувязі, медыцыны і фармацэўтыкі. Мерапрыемства прымеркавана да 15-годдзя падпісання Дагавора аб стварэнні Саюзнай дзяржавы. Мэта выставы - развіццё эканамічнага, навукова-тэхнічнага, культурнага, палітычнага супрацоўніцтва паміж Расіяй і Беларуссю, сумеснага бізнесу, гандлёва-эканамічных і інвестыцыйных адносін, наладжванне дзелавых кантактаў.