Першая безбар’ерная гульнявая пляцоўка для дзяцей з абмежаванымі магчымасцямі адкрываецца ў Мінску. Яе элементы спраектаваны з улікам асаблівасцей дзяцей-інвалідаў. Прылеглая тэрыторыя абсталявана пад’язнымі шляхамі. Адкрыццё пляцоўкі прымеркавана да 15-годдзя Рэспубліканскага рэабілітацыйнага цэнтра для дзяцей-інвалідаў. Ён пабудаваны па аналагах еўрапейскіх рэабілітацыйных устаноў. І ажыццяўляе рэабілітацыю па індывідуальных праграмах дзяцей-інвалідаў ад 3 да 18 гадоў з парушэннямі функцый апорна-рухальнага апарату.