Хваля сусветнага джаза накрые беларускую сталіцу. Так, у мінску пройдзе першы Міжнародны фестываль JazzinMinsk-2012. На сталічных пляцоўках будуць праходзіць канцэрты джазавых зорак. У Беларускай дзяржаўнай акадэміі музыкі і ў Беларускім дзяржаўным універсітэце культуры і мастацтваў будуць арганізаваны майстар-класы замежных выканаўцаў. У фестывалі прымуць удзел знакамітыя джазавыя музыканты з ЗША, Бразіліі, Ізраіля, Англіі, Германіі, Польшчы, Італіі, Беларусі, Расіі. Па словах арганізатараў, на форуме ў беларускай сталіцы будзе прадстаўлена музыка на любы густ.