Свята тэатральнага мастацтва беларуская сталіца прымае невыпадкова. Пераможцам першага форуму тры гады таму стала менавіта наша краіна. Тады спектакль Нацыянальнага акадэмічнага тэатра імя Янкі Купалы "Офіс" атрымаў лаўры трыумфатара. Галоўная ідэя форуму - прадставіць лепшыя работы рэжысёраў, чый узрост не перавышае 35 гадоў. Аднак конкурсная праграма, у якой сёлета будуць канкурыраваць 13 спектакляў з 13 краін - не адзіны важны складнік тэатральнага тыдня. Маладзёжны тэатральны форум арганізуе конкурсы рэжысёраў, тэатральных мастакоў і драматургаў.